miércoles, 22 de mayo de 2013

Todo llega

Todo llega es una pieza montada con material descartado en el montaje del corto "Con tramontana" donde un ampurdanés demuestra su dominio del viento de tramontana.

Todo llega from iban del campo on Vimeo.

viernes, 17 de mayo de 2013

Bonnarden pintzelkadak

Pierre Bonnard pintore frantsesaren anekdota bitxi bat daukat buruan egun hauetan, film labur baten edizio lanari azken pintzelkadak ematen ari naizenean.

Diotenez, Bonnard jaunak bere margoak erakusketa edo museo baterako entregatu behar zituenean ez zituen margoak inoiz amaitutzat ematen, ez zen lasai geratzen azken emaitzarekin. Eta askotan, bere obrak gordetzen zituzten museotara joaten zen isilean, ezkutuan, margoen paleta besapean zuelarik, eta museoko zaintzailea urruntzen zenean paretan eskegita zegoen bere margoari azken (azken-aurreko, hobe esanda) ukituak ematen zizkion.  Pertsonaia berezia Monsieur Bonnard...

Obsesio eta perfekzio maila horietara ez naiz iritsiko eta amaitutzat eman dut film laburraren muntaketa. Azken pintzelkadak eman ondoren horrela geratu zait azken kortea. C'est fini!



jueves, 9 de mayo de 2013

Fikziozko golak

  
Errealitatean golak sartzea ez da batere erraza. Ez da erraza futbolean golak sartzea, ezta ere bizitzan edozein gol mota sartzea, golak metaforikoki erabiltzen baitira askotan. Eta fikzioan? Errazagoa al da gol bat sartzea??? Joan den asteburuan Asier Urbietak zuzentzen duen Arconada film laburraren filmatze lanetan gol ugari sartu dira.

Golak erlojuaren tiktak-ari, lau egunetan egin beharreko planoak lortzeko. Golak nekeari, film labur honen errodajeak lantaldeari emandako energiari esker. Golak Hitchcokci, suspensearen zuzendariak esandako esaldiari buelta eman zaiolako, (Nunca se te ocurra hacer una película con animales, ni con niños, ni con Charles Laughton”). Arconada-ren kasuan umeak bakarrik filmatu dira eta Charles ez da agertu, eskerrak. Golak ezinezkoari, euria urdina eta gorria izan delako eta kolorezko euri tanta horiek astiro erortzen ikusi ditugulako segunduko 2.000 fotogramek ematen duten kamara geldoari esker.

Errodajeko aurkikuntza Martin protagonistarena izan da, filmean Arconada izatea nahi duen ume daltoniko baten papaera egiten duena. Asierrek eskuadratik sartu du gola ume hori aurkitu eta zuzentzerakoan. Laster zuen pantailetan.